தூத்துக்குடி மாவட்டத்தில் மழை!

தூத்துக்குடி மாவட்டத்தில் பரவலாக மழை பெய்து வருகிறது. மாவட்டம் முழுவதும் கடந்த 24 மணி நேரத்தில் 139.80 மிமீ மழை பெய்துள்ளது.

தமிழக கடலோரப்பகுதிகளுக்கு அப்பால் உள்ள தென்மேற்கு வங்கக்கடல் பகுதிகளில் ஒரு வளிமண்டல கீழடுக்கு சுழற்சி நிலவுகிறது. இதன் காரணமாக இன்று (19-01-2025) கன்னியாகுமரி, திருநெல்வேலி, தூத்துக்குடி ராமநாதபுரம் மற்றும் தென்காசி மாவட்டங்களில் ஓரிரு இடங்களில் கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்திருந்தது.

இந்த நிலையில், தூத்துக்குடி மாவட்டத்தில் நேற்று இரவு முதல் தொடர்ந்து சாரல் மழை பெய்து வருகிறது. தூத்துக்குடி மாவட்டத்தில் இன்று காலை 6 மணி நிலவரப்படி கடந்த 24 மணி நேரத்தில் மொத்தம் 139.80 மிமீ மழை பெய்துள்ளது.

மழை அளவு விபரம் (மில்லி மீட்டரில்)

தூத்துக்குடி 5.20

திருச்செந்தூர் 1.00

காயல்பட்டினம் 5.00

குலசேகரப்பட்டினம் 1.00

சாத்தான்குளம் 1.40

கோவில்பட்டி 20.00

கழுகுமலை 16.00

கயத்தாறு 18.00

கடம்பூர் 21.00

எட்டயபுரம் 11.20

விளாத்திகுளம் 11.00