Moradabad: BSF and CRPF soldiers during a flag march ahead of the UP Assembly elections, in Moradabad, Tuesday, Feb. 01, 2022. (PTI Photo)(PTI02_01_2022_000210B)
தூத்துக்குடியில் நாடாளுமன்ற தொகுதி தேர்தலை முன்னிட்டு பாதுகாப்பு பணிக்காக 4 கம்பெனி துணை ராணுவ படையினர் வந்து உள்ளனர்.
தூத்துக்குடி நாடாளுமன்ற தொகுதிக்கான தேர்தல் வாக்குப்பதிவு வருகிற 19-ந் தேதி நடக்கிறது. தூத்துக்குடி தொகுதியில் 288 பதற்றமான வாக்குச்சாவடிகள் உள்ளன. இந்த வாக்குச்சாவடிகளில் பாதுகாப்பு பலப்படுத்த நடவடிக்கை எடுக்கப்பட்டு வருகிறது. இந்தநிலையில் தூத்துக்குடி நாடாளுமன்ற தொகுதியில் பாதுகாப்பு நடவடிக்கைக்காக, 4 கம்பெனி துணை ராணுவ படையினர் (ரெயில்வே பாதுகாப்பு படை) மற்றும் 2 கம்பெனி தமிழ்நாடு சிறப்பு காவல்படையினர் ஆக மொத்தம் 600 பேர் தூத்துக்குடிக்கு வந்து உள்ளனர்.


