தூத்துக்குடியில் ஆயுதப்படை காவல்துறையினரின் கவாத்து பயிற்சியை மாவட்ட காவல் கண்காணிப்பாளர் எல். பாலாஜி சரவணன் பார்வையிட்டு ஆய்வு செய்தார்.
தூத்துக்குடி மாவட்ட ஆயுதப்படை போலீசாரின் கவாத்து பயிற்சி இன்று காலை வடபாகம் காவல் நிலைய வளாக மைதானத்தில் நடைபெற்றது. போலீசாரின் உடற்பயிற்சியை மாவட்ட காவல் கண்காணிப்பாளர் எல். பாலாஜி சரவணன் நேரில் சென்று ஆய்வு செய்து, காவல்துறையினர் மேற்கொள்ள வேண்டிய முக்கிய பணிகள் குறித்து தகுந்த அறிவுரைகள் வழங்கினார்.
பின்னர் போலீசாரின் குறைகளை கேட்டறிந்து அதற்கு நிவர்த்தி செய்ய நடவடிக்கை எடுக்கப்படும் என்று தெரிவித்தார். இந்நிகழ்வின் போது ஆயுதப்படை காவல் துணை கண்காணிப்பாளர் புருஷோத்தமன், ஆயுதப்படை காவல் ஆய்வாளர் பழனிச்சாமி, சார்பு ஆய்வாளர்கள் வெங்கடேசன் பிரம்மநாயகம், சொக்கலிங்கம், கௌசல்யா, சிறப்பு சார்பு ஆய்வாளர்கள் பெருமாள், வெள்ளத்துரை, பரமேஸ்வரி, பயிற்சி சார்பு ஆய்வாளர் சக்திவேல் உட்பட ஆயுதப்படை போலீசார் உடனிருந்தனர்.


