28 டிசம்பர் 1885 அன்று, இந்திய தேசிய காங்கிரஸின் (INC) முதல் அமர்வு பம்பாயில் நடைபெற்றது மற்றும் டிசம்பர் 31 வரை தொடர்ந்தது. இது தாதாபாய் நௌரோஜி மற்றும் டின்ஷா வாச்சா ஆகியோருடன் இணைந்து ஓய்வுபெற்ற பிரிட்டிஷ் அரசு ஊழியர் ஆலன் ஆக்டேவியன் ஹியூம் என்பவரால் தொடங்கப்பட்டது.
இந்திய தேசிய காங்கிரசு பொதுவாக காங்கிரசு கட்சி இந்தியாவின் மிகப்பெரிய அரசியல் கட்சிகளில் ஒன்றாகும். 1885–இல் தொடங்கப்பட்ட இக்கட்சி இந்திய விடுதலை இயக்கத்தை முன்னெடுத்துச் சென்றது. இக்கட்சியின் அமைப்புகளில் 15 மில்லியன் இந்திய மக்களும் ஆங்கிலேய ஆட்சியை எதிர்த்து நாடு முழுவதும் நடந்த போராட்டங்களில் 70 மில்லியன் மக்களும் பங்கெடுத்தனர். 1947-இல் இந்தியா விடுதலை அடைந்த பின்னர் நாட்டின் அதிகாரம் மிகுந்த அரசியல் கட்சியாக உருவெடுத்தது. ஐக்கிய முற்போக்குக் கூட்டணியின் முதன்மை உறுப்பினராகவும் இக்கட்சி விளங்குகிறது.
