ஒவ்வொரு ஆண்டும் ஜூலை 17ம் தேதி சர்வதேச அளவில் நீதிக்கான விழிப்புணர்வு நாள் கொண்டாடப்பட்டு வருகிறது. உலக அளவில் பல்வேறு குற்றங்களால், மனித உரிமை மீறிய செயல்பாடுகளால் அநீதி இழைக்கப்பட்ட மக்களுக்கான நீதி உடனடியாக கிடைக்கப்பட வேண்டும் என்பதே இந்நாளினை கடைபிடிப்பதற்கான நோக்கம் ஆகும். ஒவ்வொரு ஆண்டும் சர்வதேச குற்றவியல் நீதிமன்றம் மற்றும் ஐநா சபையின் முன்னெடுப்பில் பல்வேறு நாடுகள் இந்த தினத்தை கடைபிடிக்கின்றனர்.
1998ம் ஆண்டு ரோமில் சர்வதேச நீதிமன்றம் தோற்றுவிக்கப்பட்டு அந்த உடன்படிக்கை பல்வேறு நாடுகளால் ஏற்றுக்கொள்ளப்பட்டதன் நினைவாகவே ஜூலை 17 ஒவ்வொரு ஆண்டும் சர்வதேச நீதிக்கான தினமாக கொண்டாடப்பட்டு வருகிறது. 120க்கும் மேற்பட்ட நாடுகளில் சர்வதேச நீதி தினம் கொண்டாடப்பட்டு வருகிறது.
ஒவ்வொரு ஆண்டும் சர்வதேச நீதிக்கான நாள் ஒரு கருப்பொருளை மையமாக கொண்டு கடைபிடிக்கப்பட்டு வருகிறது. அந்த வகையில் இந்தாண்டு ‘Overcoming Barriers and Unleashing Opportunities for Social Justice’ என்ற தலைப்பை மையமாக கொண்டு கடைபிடிக்கப்படுகிறது. சமூகநீதிக்கான வாய்ப்புகளை அதிகப்படுத்துதல் மற்றும் தடைகளை தாண்டி வருதல் என்ற தலைப்பில் உலகில் சமூக நீதியை நிலைநாட்ட வேண்டும் என்ற எண்ணத்தில் இந்த நாள் கடைபிடிக்கப்படுகிறது.


