தூத்துக்குடி மாவட்டத்தில் வரும் வெள்ளிக்கிழமை அன்று வட்டாட்சியர்கள் தலைமையில் அம்மா திட்ட முகாம் நடைபெறுகிறது.
இதுகுறித்து கலெக்டர் வெளியிட்டுள்ள செய்திக்குறிப்பில் கூறியதாவது…அனைத்து கிராமங்களில் அடித்தட்டு மக்களுக்கு அதிக சேவை வழங்க தமிழக அரசால் அறிவிக்கப்பட்டுள்ள அம்மா திட்டத்தின் கீழ் தூத்துக்குடி மாவட்டம், தூத்துக்குடி வட்டத்தில் கீழத்தட்டப்பாறை கிராமத்திலும், ஸ்ரீவைகுண்டம் வட்டத்தில் கீழவல்லநாடு கிராமத்திலும் திருச்செந்தூர் வட்டத்தில் உடன்குடி கிராமத்திலும், சாத்தான்குளம் வட்டத்தில் முதலூர் கிராமத்திலும், கோவில்பட்டி வட்டத்தில்; நக்கலமுத்தன்பட்டி கிராமத்திலும், விளாத்திகுளம் வட்டத்தில் வி.வேடப்பட்டி, நெடுங்குளம் மற்றும் கன்னிமார்குட்டம் ஆகிய கிராமங்களிலும், எட்டயபுரம் வட்டத்தில் கடலையூர் கிராமத்திலும், ஓட்டப்பிடாரம் வட்டத்தில்; வேடநத்தம் கிராமத்திலும் ,கயத்தார் வட்டத்தில் அச்சங்குளம் கிராமத்திலும் 27.04.2018 (வெள்ளிக்கிழமை) அன்று வட்டாட்சியர்கள் தலைமையில் அம்மா திட்ட முகாம் நடைபெறவுள்ளது. மேற்படி முகாம்களில் மக்களின் குறைகளை தீர்க்கும் வண்ணம் முதியோர் ஓய்வூதியம் உள்ளிட்ட சமூக பாதுகாப்புத் திட்டங்கள், பட்டா மாறுதல், இலவச வீட்டுமனை பட்டாக்கள், உழவர் பாதுகாப்பு அட்டை, பிறப்பு – இறப்பு சான்றுகள், சாதிச்சான்றுகள், மற்றும் வருவாய் துறையினரால்; நிறைவேற்றப்பட வேண்டிய கோரிக்கைகள் குறித்த விண்ணப்பங்கள் ஆய்வு செய்யப்பட்டு உடனடியாக பொதுமக்களின் கோரிக்கைகள் நிறைவேற்றப்பட உள்ளது.
இந்த முகாம்களில் பொதுமக்கள் தங்கள் கோரிக்கை மனுக்களை அளித்து பயனடையுமாறு கேட்டுக்கொள்ளப்படுகிறார்கள்.
